السلام عليكم ورحمة الله وبركاته
ان شاء الله كلكم تكونون بخير
واحشني التدوين 💗
جايبه لكم تدوينه غير شكل اليوم
تجربتي بالموقع الامريكي 6PM
أولاً الموقع يبيع أوت لات (قطع مخفضة) من اغلب الماركات المعروفة
- ثانيا الموقع مايشحن مباشر للسعودية
- فاستعنت بموقع https://www.s4l.us/ وفكرة هذا الموقع ان يكون لك رف بامريكا تجمعين فيه مشترياتك من مواقع مختلفة لمدة ما تتعدا ٩٠ يوم وبعدين تطلبين تنشحن لك لمكانك بالسعودية ( أحسن فكره فكرو فيها البشرية )
- والمشتريات اللي توصلهم يصورونها لك بالتفصيل ويرسلونها على الاميل
اول شي سويت لي عنوان بموقع شيب فور لس وعبيت سلتي بموقع 6pm وحطيت بيانات عنواني الامريكي
وتقريبا أخذت ٧ ايّام الى وصلت لعنواني الامريكي ولما وصلت سويت طلب من شيب فور لس يشحنونها لي للسعوديه
وأخذت أسبوع وجت السعودية.
بالنسبة للموقعين طريقة التسجيل فيهم سهل جدا مثل باقي المواقع
استخدمت فيهم كلهم فيزة الشراء من الانترنت وتم قبولها
موقع 6pm المقاسات فيهم أمريكية الشي اللي كان جديد علي فيهم هو عرض الجزمة وهو شي جديد علي وبعد البحث اكتشفت ان في الموقع جميع المقاسات سوا كانت الرجل صغيره جدا او عملاقة فسهل تلقى مقاسه لو كنت تعاني
عرض جزمتي كان M وهو المقاس اللي نعرفه كلنا ونلقاه بالمحلات (بالنسبة للنساء طبعا)
الخيارات الموجودة بالموقع
Narrow عرض صغير
Medium عرض وسط
Wide اكبر
Extra wild اكبر جدا
وهذا موقع يوضح تفاصيل المقاسات اكثر
ملاحظة :تفاصيل مشترياتي على حسابي بالانستقرام
سعر الشحن من 6pm = 4$
سعر الشحن منهم ثابت
ولما وصل طلبي لشيب فور لس سويت طلب تجهيز الشحنه للسعوديه واخترت الشركة DHL لاني احسها ثقه خصوصا مع مظاهرات امريكا والحمدلله وصلتني الطلبيه سليمه
وسعر الشحن يتحدد بناء على وزن شحنتك
وزن شحنتي كان ١٤ باوند واخذت من ٤٠٠
طبعا كان في كرتونين للجزم واكيد بتاثر على الوزن
طبعا في خيارات كثير للشحن واقل سعر
رأيي الشخصي بالتجربة
صح سعر الشحن صدمة بس برضوووو !!
لما اقسم سعر الشحن على ٨ قطع
بيصير معقووول جدا + مشترياتي كلها من براندات اسعارها مرتفعه بالسعودية
جزمة من تومي هيلفقر بـ ١٤٢
مستحيل القاها بهالسعر بالرياض اسعارها من ٤٠٠-٦٠٠
تجربة حلوه انصح فيها
Worth it !
شكراً على وقتك
LOVE Ya
0 التعليقات:
Post a Comment