بسم الله الرحمن الرحيم
صباح/ مساء الخير
اليوم موضوعنا غير عن العطورات مره يحمس الموضوع للبنات اللي يهتمون بالروائح وبمناسبة قرب العيد والكثير يحب يشتري عطر فخم للعيد غير عن باقي السنة
كل عطوراتي اليوم غالبا تعتبر ذوق شرقي خليجي
اول عطر خلطة سعودية ريحته فخممه وقوويه تنفع مناسبة عيد او زواج او عزيمة اذا بردت تطلع ريحة اجمل بكثير
ماني مره بوصف العطور عشان كذا بحط لكم وصف الموقع
رائحة جريئة من خلاصة الورد الطائفي والباتشولي الناعم والورد المخملي ليبوح برائحة الفانيلا الآخاذة وقطرات دهن العود المعتق ، فتكشف مع انبعاثه شعور حريري ناعم .
تجربتي لثبات العطر عطرت عبايتي اول ما اشتريت العطر يعني قبل شهرين واستمرت الريحه كل ما افتح دولابي تطلع الريحة ، العباية بدون ما استخدمها شاريتها للعيد قبل العيد بشهرين هههههه وباقي الملابس جنب العباية اخذت ريحة من العباية والحين للامانة الريحة استمرت على العباية شهر والحين باقي اثر من الريحه بس خفييف بس انبهرت بالنتيجة حبيت انها طولت واصلا العطر ،اضح اول ماتشمينه ثقيييل يعني تحسين عطر خاام بدون مويه او كحول
حتى علبتة فخمه تنفع هدية لناس فخمه P:
ثاني شيء اشتريته عطر مسك الجسم
بنات واو ريحته حلووه مره مره ريحته لطيفه بس برضو فخمه مو خفيفه تحسون انها ثابته وقويه ونظيفة مره
ينفع بعد الاستحمام و يومي وثابت ل٢٤ ساعة على الجسم تحسينها تفوح منك الريحه انا احطها على اماكن النبض بعد ما ارطب جسمي بس عيبة انا اشتريت العلبة الكبيره وللاسف ماهي بخاخ يعني العطر فيه فتحة وتكبينه بيدك وتوزعينه لكن العلبة الصغيرة منه افضل لان معها بخاخ مثل اي عطر عادي
ثالث شيء خمرية ملكية للشعر ربع تولة ريحتها دهن عود بس مو خام معها روائح ثانيه اذا شميتوها مباشرة تظلمونها
بس على الشعر مره تطلع حلووه واحس برضو فخمه وتنفع زواجات مو يوميه لاني احب الروايح الهادية اكثر والناس اذواق
رابع شيء مسك جسم نصف تولة بعد بس زيتي ما اتوب عن المسك ههههه ريحته بالضبط نفس عطر الجسم بس زيتيه هذا الفرق فقط
خامس شيء معطر للمفارش والملابس بالورود بديت من قريب احب اعطر ملابسي قبل المناسبه ثم بعدها مباشرة ابخرها
بنات واو واو الريحة حلوووه وتطلع مكس شيء وتثبت
احب سوالف العطور مره كل شوي مطلعه لي طريقة جديده
وصف الموقع للريحة: أفضل الورود اجتمعت في معطر الفراش والغرف الزهري الذي يحتوي على الورد الطائفي، زهرة السوسن، زهرة اللوتس، والورود الدمشقية التي تجعل من منزلك حديقة تسكنها أجمل الورود.
بالنسبة للاسعار كلها موضحة بالموقع
احس البوست هذا ريحته عطور ههههه
واخيراً صورة اخيرة عاجبتني :))
حابة اقول ان العطور شاريتهم قبل شهرين وصورتهم اول ماشريتهم عشان قبل ارمي الكراتين واشكال العطور تكون ممتلئة وقلت بكتب التدوينة بعد ما اجربهم يعني هذا حكمي على العطور بعد استخدام شهرين
ونصيحة اخيرة
انصحكم تشترون منه وقت التخفيضات لانه اسعاره غالية + روائحهم حلوه ماودك تفتوتينها + بعض الاشياء عندهم ماتثبت بالجسم لذلك اشتريها بالتخفيض افضل عشان ما تخسرين عليها.
حابة اقول ان العطور شاريتهم قبل شهرين وصورتهم اول ماشريتهم عشان قبل ارمي الكراتين واشكال العطور تكون ممتلئة وقلت بكتب التدوينة بعد ما اجربهم يعني هذا حكمي على العطور بعد استخدام شهرين
ونصيحة اخيرة
انصحكم تشترون منه وقت التخفيضات لانه اسعاره غالية + روائحهم حلوه ماودك تفتوتينها + بعض الاشياء عندهم ماتثبت بالجسم لذلك اشتريها بالتخفيض افضل عشان ما تخسرين عليها.
اشوفكم في تدوينة اخرى || الى اللقاء
0 التعليقات:
Post a Comment