تجربتي في محاربة حب الشباب مع إيف روشيه

بسم الله الرحمن الرحيم

السلام عليكم ورحمة الله وبركاته

^

في الاشهر الاخيرة صار يطلع حبوب كل كم يوم مثل الحبوب الصغيرة الغير ملتهبة واللي راسها ابيض والملتهبة الحمراء

فلاحظت ان العناية اللي صار لي فترة امشي عليها ما عاد صار لها اثر فقررت اغير المنتجات اللي كنت استخدمها واستبدلها بمنتجات طبية و مجربة ، وقبل فترة قريت من كم بلوقر تكلمو عن مجموعة Pure system من ايف روشيه

فبما اني اعاني من نفس المشكلة اللي تعالجها هالمجموعة ، توكلت على الله واشتريتها ♥♥

منظف المسام يستخدم مرتين باليوم
المنظف عبارة عن مقشر يعني فيه حبوب
لما يختلط بالماء يتحول الى اللون الابيض ويصير قوامه صابوني
ماينشف البشرة وتحسين بشرتك مترطبة بعكس بعض المنظفات اللي تعطيك شعور البشرة المشدودة والجافه.
سعره : ٣٩ ريال سعودي

تونيك لتقفيل المسام

مكتوب انه بعد سبع ايام تظهر النتيجة

سعره: ٣٥ ريال سعودي

ماسك مرة او مرتين بالاسبوع
لونه ابيض وكريمي ولما ينحط على البشرة وينشف يصير بودرة
ينحط على الوجة لمدة ٣ دقائق
سعره ٣٩ ريال سعودي

لصقات حبوب عبارة عن لصقات شفافه دائرية صغيرة الحجم
تنحط على الحبه لمدة ٨ ساعات وتظهر النتايج خلال ٨ ساعات
لاحظت انه خفف من حجم الحبة بنسبة ٢٠-٣٠٪ التأثير اللي انتي تلاحظينه بس محد يلاحظه
ويسرع من اختفاء الحبة
سعرها ٤٩ ريال سعودي

مرطب للبشرة الدهنية والمختلطة
اخذته من مجموعه ثانية لان اللوشن المرطب من مجموعة Pure System ماكان متوفر للاسف
فقلت لازم اخذ مرطب ، لما احطه على بشرتي احس بلسعه خفيفة ، وحسيت تأثيره ايجابي مع المجموعه
سعره: ٥٩ ريال سعودي

تجربتي بالتفصيل:

اول يوم استخدام مافيه ملاحظات
ثاني يوم لاحظت خف احمرار حبوب الشباب

ثالث يوم بديت الاحظ احمرار وحبوب صغيرة جداً بوجهي كأنه حساسية ! اتوقع نتيجة استخدامي الخاطئ
رابع يوم راح الاحمرار وبقت الحبوب الصغيرة جداً وتغير ملمس بشرتي بسبب الحبوب صار خشن
خامس يوم لاحظت ان المسام تغير حجمها و صغرت لكن مازال فيه خشونه ببشرتي نتيجة الحبوب الصغيره
سادس يوم لاحظت ان الخشونه خفت بشكل بسييط

بعد ٧ ايام من تاريخ الاستعمال
قالو بالعبوه انه بعد ٧ ايام من الاستخدام الأول ، ملمس البشرة يظهر بنقاء بنسبة ٩٠٪
بس انا تقييمي كان بنسبة ٤٠٪ 

في اليوم ١٦ ظهر لي حبتين جنب بعض مو ملتهبات ولا راسهم ابيض كانو نفس لون الجلد
بعد اربع ايام اختفو
بعد شهر من تاريخ الاستعمال 25\oct

ماطلعت لي حبه ابدا ببشرتي وهذا شيء حلو مره ، طبعا المجموعه ماخلصت مازال فيه كميه اتوقع كافيه لشهر ونص قدام
بظل استخدمها ، وتستاهل التجربة انصح اللي بشراتهم دهنية او مختلطة يجربون هالمجموعة لانه تحتوي على حمض السالسيليك وهو حمض مفيد لمحاربة حب الشباب.
وتحتوي المجموعه على الصبار وهو يعتبر مغذي للبشرة ويوازن الدهون فيها.

فروع المحل

كونوا بالقرب ♥♥

Twitter | Instagram | Pintrust | Tumblr

..

3 comments بشرة|skincare, مراجعات|Reviews